Archive for category Eaj Gipuzkoa

#IrudikatuGipuzkoa #ImaginaGipuzkoa.

Advertisements

Utzi iruzkina

AINTZANE OIARBIDE: “BIDEGIKO ZUZENDARIAK DIPUTATU NAGUSIAREN HITZEN KONTRAKOA ESAN DU ETA BAIEZTATU DU FAKTURAK BETI EGON DIRELA BIDEGIKO EGOITZAN”.

29773_imagen_2

 

EAJ-PNVren batzarkidearen iritziz, Bildu ez da kudeatzen ari, baizik eta, boterea erabiltzen ari da arerio politikoari eraso eta kalte egiteko

Bidegiren kudeaketaren gaineko eztabaidak gaur goizean jarraitu du; izan ere Mugikortasuneko eta Bide azpiegituretako foru diputatu Larraitz Ugarte eta Bidegiko zuzendari Katy Nevado Batzar Nagusietan agertu dira azalpenak emateko. EAJ-PNVren batzarkide Aintzane Oiarbideren ustez, Bidegiko zuzendariak bakarrik interesatzen zaizkion datuak eman ditu eta, gainera, baieztatu du, diputatu nagusi ohiari eskatutako fakturak beti egon direla Bidegiko egoitzan – gogoan izan, duela aste batzuk Larraitz Ugartek frogarik gabe salatu zuela Markel Olano diputatu nagusi ohiak fakturak etxera eraman zituela –. Hau da, Martin Garitano diputatu nagusiaren atzoko hitzen kontrakoa esan du”. 

Horren harira, Oiarbidek honakoa esan du: “Bilduk bi urte egingo ditu, laister, Foru Aldundiaren gobernuan, baita Bidegiren buruan ere. Bi urte horietan, espioitza politikoa baino ez du egin eta EAJ-PNV behin eta berriro erasotu du kalte egiteko asmoz eta ez du, ordea, bere benetako lana egin: kudeatu eta errepideak finantzatzeko plana egin, izan ere, hori da, hain zuzen ere, Gipuzkoak behar duena egindako inbertsioei aurre egiteko”. 

Era berean, Aintzane Oiarbidek gogoratu du, EAJ-PNVren kudeaketa Bidegin eraginkorra eta gardena izan dela eta, ondorioz, sozietate publiko kaudimendunena izan dela. Beraz, zer gertatu da azkeneko bi urteetan egoera hori guztiz kontrakoa eta jasanezina izateko? Aintzane Oiarbideren ustez, erantzuna oso argia da: Bilduk hartu du kudeaketa eta bere lana egin ordez, boterea erabili du arerio politikoari kalte egiteko. 

Halaber, batzarkide jeltzalearen aburuz, Foru Aldundiak aipatzen duen 900 milioi euroko zorra, azkeneko urteetan egindako inbertsioen ondorio dira eta, horri esker, egun, Gipuzkoak puntako errepide sarea du. Beraz, 900 milioi euro horiek inbertsio bat izan dira eta ez, ordea, zaborretara botatako dirua. 

Horrenbestez, Aintzane Oiarbidek segidakoa azpimarratu du: “Bilduren aginteko Foru Aldundiak aurre egin behar dio maileguari eta, horretarako, errepideak finantzatzeko plana egin beharko du. Baina aitzitik, Foru Aldundiak ez dio gaiari heldu nahi, amore eman du eta hiru alditan atzeratu du bere proposamenaren aurkezpena eta, horren ondorioz, Gipuzkoako diru-kutxari kalte egiten ari zaio, izan ere, urtero milioika euro galtzen ari da eta, bitartean, atzerriko milaka kamioik Gipuzkoa zeharkatzen jarraitzen dute ezer ordaindu gabe”. 

Bidegiko langileen ordenagailuen kopiari buruz, EAJ-PNVren batzarkideak esan du, baldin eta egindako lana arrunta bada, zergatik itxaron dute langileek lapurreta Ertzaintzara jotzeko asmoa azaldu duten arte, beraien lanpostuetan lapurreta izan zela salatzeko? Hortaz, Aintzane Oiarbidek Foru Aldundiari gardentasun falta egotzi dio eta Larraitz Ugarte foru diputatuari honakoa galdetu dio: “IZFE informatika zerbitzuak horrelako lanak egunero egiten ditu, orduan zergatik ez zaio eskatu IZFEri lan hori egiteko eta, aldiz, ezker abertzalearekin lotura duen enpresa bati eskatu zaio?”. 

Azkenik, Oiarbidek Mugikortasuneko eta Bide azpiegituretako foru diputatuari gogoratu dio, politikan edozer gauzak ez duela balio; alderdien arteko harremanak kaltetu dituela eta zaila izango dela bere onera ekartzea; eta, gainera, eskatu dio, boterea erabiltzeari uzteko arerio politikoari kalte egiteko.

,

Utzi iruzkina

“EUSKADIREN HERRI ETA GIZARTE ERAIKUNTZA SORTUREN TOTALITARISMOAREKIN BATERAEZINAK DIRA” AZALDU DU EGIBARREK

8514810299_563536f40a_b

GBBko presidente eta EAJ-PNVren legebiltzar taldearen bozeramaile den Joseba Egibar “herri aurrerakoi, ireki eta moderno” baten alde azaldu da, Ezker Abertzaleak defendatzen duen “sistemaren aurkako eredu itxiaren aldean”

“Euskadiren herri eta gizarte eraikuntza bateraezinak dira Sortuk ordezkatzen duen Ezker Abertzalearen totalitarismoarekin”, zehaztu du GBBko presidente eta EAJ-PNVren legebiltzar taldearen bozeramaile den Joseba Egibarrek. ETAk indarkeria utzi ondoren Euskal Herriak bizi duen eszenatokiaren aurrean, jeltzaleak herri “ireki, aurrerakoi eta moderno” baten aldeko apustua egin du, Ezker Abertzaleak defendatzen duen sistemaren aurkako eredu “itxiaren” aldean. 

Bergarako batzokian eskainitako hitzaldian, Euskadiko etorkizuna bi ardatzen gainean eraiki ahal izango dela aurreratu du. Alde batetan EAJ egongo litzateke, “herri honen eta bere etorkizunaren aldeko ibilbide eta proiektuei lotuta” egon den alderdia; eta bestean, Sortuk menderatu duen Ezker Abertzalea, “lehenengoz estrategia politikoaren alde egin eta porrot egin duen eta hainbesteko sufrimendua utzi duen estrategia politiko militarraren inguruan inongo argibiderik eman ez duena”. “Eta zein ezberdintasun gehiago daude EAJren eta Sorturen ardatzen artean?”, galdetu du Egibarrek honako erantzun hau emateko: “Bakoitzak defendatzen duen herri ereduaz gain, alde nabarmenak daude batak eta besteak defendatzen ditugun eredu demokratiko eta kultura politikoen artean”. 

Gipuzkoako gestioa eredutzat hartuz, Ezker Abertzalea Gobernatzeak dakarren ardurarekin “itota eta larrituta”” dagoela esan du Egibarrek. “Guk kudeaketa eredu serio, argi eta eraginkorra” erakutsi dugu; Ezker Abertzalea, berriz, “eraginik gabeko eta noraezean doan gestio opakoa” bultzatzen ari da. Jeltzalearen esanetan, Bilduren kudeaketa “bezeroen aldekoa eta sektarioa” da eta, hori gutxi balitz, “Ezker Abertzalearen egia bakarrik onartzen du”. 

Etorkizunera begira, GBBko lehendakari eta EAJ-PNV talde parlamentarioko bozeramaileak Euskal Herriaren existentziaren onarpenaren eta erabakitzeko eskubidea “inoiz baino indar gehiagorekin defendatzeko” apustua egin du eta ibilbide horretan –erantsi du- “totalitarismoek ez dute lekurik izango”. “Egiatik abiatuta, EAJk bakearen eta elkarbizitzaren alde egiten du. Autokritika egin eta erantzukizunak hartzea beharrezkoa da etorkizuna eraiki eta giza eskubideak bermatzeko”, ohartarazi du Ezker Abertzaleari so eginez. Izan ere, alderdi horrek ez du indarkeriaz betetako iragana onartzen, ezta ETAk burutu duen estortsioa ere. “Indarkeriarekin amaituko duen estrategia aldaketa bakarrik ikusten dute, inongo irakurketa kritikorik egin gabe, ezta ardurarik onartu gabe”, azpimarratu du. 

Egibarren ustetan, EAJk eta Ezker Abertzaleak osatzen dituzten bi ardatzek akordioak lortu ahal izango dituzte etorkizunean “baldin eta eduki eta proiektuetan adostasunak lortzen badituzte”, baina ziur dago EAJ izango dela etorkizunean ere euskal abertzaletasunaren buru, “euskal gizarte pluralak dituen beharrei erantzungo dien abertzaletasun zabalaren liderra”,

,

Utzi iruzkina

BAKE ETA ELKARBIZITZARAKO PONENTZIA ERATZEA ONARTU DA

34498_imagen_2

Bake eta Elkarbizitzarako Ponentzia eratzea onartu zen Legebiltzarrean, EAJ eta Alderdi Sozialistaren aldeko botoekin; EHBilduk abstentzioa eman zuen eta PPk eta UPyDk aurkakoa.

Bozketa horrek  argi eta garbi erakusten du, iraganeko estrategien morroi direla alderdi politiko bat. PPk – UPyDren diskurtsoaz presionatuta – ezker abertzaleak ETAren historia kriminala gaitzetsi behar duela esaten segitzen du. Eta EHBildu, aurreko legealdian Bake Ponentziak lortutako adostasunekin bat ez datorrela arrazoituz, baina desadostasuneko puntuak zeintzuk diren zehaztu gabe. Eta ez du zehazten, ez daukalako, kontra egiteko inolako arrazoi objektiborik ez duelako. Abstentzioa emateko arrazoi bakarra da beraien erabakien morroi direla. Aralarrek ez bazuen Ponentzia horretan parte hartu, ezker abertzaleak esanda –aginduta- eta lau legebiltzarkideetatik hiru botaz, inkoherentzian erortzea litzateke aurreko legealdiak egindako bidea ontzat jotzea.

Utzi iruzkina

Joan den larunbateko Euskal Selekzioaren partiduan gertatutako istiluen aurrean Euzko Gaztedik (EGI), EAJ-PNVren gazte erakundeak, honakoa adierazi nahi du:

1 – Harmailetako gune jakin baten jarrera sutsuki gaitzesten dugu, zelaira suziri, leherkari, ke bonba eta beste hainbat objektu botatzen aritu baitziren partiduak iraun zuen bitartean, euskal afizio eredugarriaren irudia erabat desitxuratuz.

2 – Istiluak sortu ziren gunean bertan zintzilikaturik zeuden pankarta eta ikonografiaren arabera eta baita bertako zaletuek abestu zituzten kantu eta oihuen arabera ere, garbi geratu zen ezker abertzaleak historikoki erabili dituen lema berdinak zirela. Horregatik dei egiten diegu ezker abertzaleko kideei eta bereziki hura ordezkatzen duten gazteei Anoetako istiluak gaitzetsi eta sala ditzaten, horrelakorik berriro gerta ez dadin.

3 – Euskal Selekzioaren partiduak aldarrikapenerako eta festarako momentu aproposak dira, eta EGIren ustez larunbatekoak bezalako gertakariek ofizialtasunetik urruntzen gaituzte. Horregatik, gogoeta bat egiteko gonbitea luzatu nahi diegu istiluetan parte hartu zuten gazteei, pentsa dezaten zer nolako irudia eman zen FIFA bezalako erakunde internazionalen aurrean eta beste herrietako selekzioen aurrean. Horrelako jokaerekin gure selekzioaren alde egin dezakeen ezein erakunde uxatzea besterik ez da lortzen eta baita ofizialak ez garen bitartean gure aurka joka dezaketen beste selekzioen konfidantza galtzea ere.

Utzi iruzkina

2012-12-12 Joseba Egibarren hitzak Parlamentuan.

Utzi iruzkina

Bihar Iñigo Urkullu Aramaioko batzokiaren sorreraren mendearrenean egongo da. Animatu eta han ikusiko gara

Aramaioko Batzokiaren Mendeurrena 1912-2012_

,

Utzi iruzkina

Koldo Mediavillaren adirerazpenak

1.- Rajoyk eta Espainiar Gobernuak onartu dituzten doikuntza neurrien kontra gaude, gabonetako ordainsaria kentzeko erabakia barne. Hala adierazi izan dugu, Espainiar Gobernuak neurri hau onartu zuenetik

2.-Behar besteko tresnak bilatzearen alde gaude, funtzionarioek gabonetako ordainsariagatik dagokien kopurua jaso dezaten .

3.-  Ez da berbera,  udaletan, Aldundietan eta Eusko Jaurlaritzan eman daitekeen egoera; ondorioz, konponbideak ezberdinak izan daitezke esparru bakoitzean .

Edozein kasutan, helburuak izan beharko luke langileek gabonetako ordainsaria jasotzea bermatzea. Baina, neurri berean, ezinbesteko jotzen dugu erabaki hau ahal denik  eta segurtasun juridikorik handienarekin hartzea, erabakia hartuko dutenak babesteko; eta beste alde batetik ,  justiziak  hilabete edo urte batzuk barru, langileak diru hori itzultzera derrigortzeko biderik ez izatea bermatzeko.

,

Utzi iruzkina

Eusko Legebitzarrerako hauteskunde kanpaina Gipuzkoan.

, ,

Utzi iruzkina

EAJ-PNV-k salatu du, Larraitz Ugarte mugikortasun eta bide azpiegituretako foru diputatuak ordainketa-sistema ezkutatzen jarraitzen duela, Gipzukoa zeharkatzen duten kamioentzat.

Aintzane Oiarbide jeltzalearen iritziz, “Foru Aldundiak onartu du egunero 7.451 kamioik Etxegarate zeharkatzen dutela, nahiz eta krisialdian gauden”.

Aintzane Oiarbide EAJ-PNVren batzarkideak salatu du, Larraitz Ugarte Mugikortasun eta Bide Azpiegituretako foru diputatuaren jarrera oldarkorra nahiz agintzailea. Izan ere, Larraitz Ugartek prentsaurrekoa egin du gaur goizean eta, ondoren, Oiarbidek honakoa esan du: “Gipuzkoarrek Ugarteren jarrera zigortu dute Euskal Autonomia Erkidegoaren hauteskundeetan. Ez dakigu Bilduk mezu hori jaso duen, Larraitz Ugartek, ordea, dirudienez, ez du jaso”.

Ildo beretik, Oiarbideren ustez, “Larraitz Ugartek ez du harremanik oposizioaren talde nagusiarekin, hau da, EAJ-PNVrekin; eta, beraz, oso zaila egingo zaio errepideak finantzatzeko foru araua onartzeko behar duen akordioa lortzea”.

Era berean, jeltzaleen hautetsiak segidakoa azpimarratu du: “Ugartek zehaztu gabe jarraitzen du Gipuzkoako Foru Aldundiaren arau proposamena. Zernahi gisaz, prentsaurrekoan argi utzi du, bakarrik EAJ-PNVrekin liskarra izaten jarraitu nahi duela”.

Aintzane Oiarbidek, halaber, Etxegarate egunero zeharkatzen duten kamioi kopurua izan du hizpide: “Mugikortasun eta Bide Azpiegiturateko foru diputatuak onartu duenez, egunero 7.451 kamioik Etxegarate zeharkatzen dute, nahiz eta krisialdian gauden. Gogoan izan, Gipuzkoako Foru Aldundiaren datuak jarraiki, 2007an 9.421 zirela”. Horren harira, Oiarbidek Ugarteri honakoa leporatu dio: “Ez du azaldu gipuzkoarrak ez diren kamioiek nola lagunduko duten Gipuzkoako errepideen finantzaketari zein mantentze-lanari”.

, ,

Utzi iruzkina

%d bloggers like this: