Archive for category Aintzane Oiarbide

Aintzane Oiarbide: Bide okerretik

29773_imagen_2

 

Apirilaren 12an (ostirala), Bergaran, atez ate sistemaren aurkako manifestazioan milaka lagun bildu ziren.

Adin guztietakoak, soziologia desberdinekoak, ideia politiko desberdinetakoak, politikarekin bat ez datozenak. Bere bizi guztian lehen aldiz manifestazio batean parte hartu zuenik ere bai.

Bergarako etxe askotan zabor poltsek zintzilik jarraitzen dute sistema honen aurka eta Udalak ezarriko duen sistema aurkeztuz geroztik irten da jendea kalera ezadostasuna erakustera. Errealitate honi bizkarra ematea akats handia da. Jendea entzun eta adostasunetara iristea ezinbestekoa da herritarrek horrelako oposizio zorrotza azaltzen dutenean. Baina aldiz, konfrontazioaren bideari ekin diote zenbaitek eta hori erabat onartezina da.

Manifestazioa hasi aurretik panfleto eta pankartak ipini zituzten ezker abertzaleko gazteek eta pankarta horietan EAJko eta Bergara Garbia plataformako bozeramaileen izen-abizenak jartzea ezin da onartu. Neuri ere tokatu zait oraingoan. Ernaiko gazteek erakusten duten amorrua nork erakutsi die? Jendea diana batean jartzen zuten garaiak atzean utzi behar ditugu elkar bizikidetzan eta normalizazio politikoan pausoak eman nahi baditugu.

Advertisements

Utzi iruzkina

AINTZANE OIARBIDE: “BIDEGIKO ZUZENDARIAK DIPUTATU NAGUSIAREN HITZEN KONTRAKOA ESAN DU ETA BAIEZTATU DU FAKTURAK BETI EGON DIRELA BIDEGIKO EGOITZAN”.

29773_imagen_2

 

EAJ-PNVren batzarkidearen iritziz, Bildu ez da kudeatzen ari, baizik eta, boterea erabiltzen ari da arerio politikoari eraso eta kalte egiteko

Bidegiren kudeaketaren gaineko eztabaidak gaur goizean jarraitu du; izan ere Mugikortasuneko eta Bide azpiegituretako foru diputatu Larraitz Ugarte eta Bidegiko zuzendari Katy Nevado Batzar Nagusietan agertu dira azalpenak emateko. EAJ-PNVren batzarkide Aintzane Oiarbideren ustez, Bidegiko zuzendariak bakarrik interesatzen zaizkion datuak eman ditu eta, gainera, baieztatu du, diputatu nagusi ohiari eskatutako fakturak beti egon direla Bidegiko egoitzan – gogoan izan, duela aste batzuk Larraitz Ugartek frogarik gabe salatu zuela Markel Olano diputatu nagusi ohiak fakturak etxera eraman zituela –. Hau da, Martin Garitano diputatu nagusiaren atzoko hitzen kontrakoa esan du”. 

Horren harira, Oiarbidek honakoa esan du: “Bilduk bi urte egingo ditu, laister, Foru Aldundiaren gobernuan, baita Bidegiren buruan ere. Bi urte horietan, espioitza politikoa baino ez du egin eta EAJ-PNV behin eta berriro erasotu du kalte egiteko asmoz eta ez du, ordea, bere benetako lana egin: kudeatu eta errepideak finantzatzeko plana egin, izan ere, hori da, hain zuzen ere, Gipuzkoak behar duena egindako inbertsioei aurre egiteko”. 

Era berean, Aintzane Oiarbidek gogoratu du, EAJ-PNVren kudeaketa Bidegin eraginkorra eta gardena izan dela eta, ondorioz, sozietate publiko kaudimendunena izan dela. Beraz, zer gertatu da azkeneko bi urteetan egoera hori guztiz kontrakoa eta jasanezina izateko? Aintzane Oiarbideren ustez, erantzuna oso argia da: Bilduk hartu du kudeaketa eta bere lana egin ordez, boterea erabili du arerio politikoari kalte egiteko. 

Halaber, batzarkide jeltzalearen aburuz, Foru Aldundiak aipatzen duen 900 milioi euroko zorra, azkeneko urteetan egindako inbertsioen ondorio dira eta, horri esker, egun, Gipuzkoak puntako errepide sarea du. Beraz, 900 milioi euro horiek inbertsio bat izan dira eta ez, ordea, zaborretara botatako dirua. 

Horrenbestez, Aintzane Oiarbidek segidakoa azpimarratu du: “Bilduren aginteko Foru Aldundiak aurre egin behar dio maileguari eta, horretarako, errepideak finantzatzeko plana egin beharko du. Baina aitzitik, Foru Aldundiak ez dio gaiari heldu nahi, amore eman du eta hiru alditan atzeratu du bere proposamenaren aurkezpena eta, horren ondorioz, Gipuzkoako diru-kutxari kalte egiten ari zaio, izan ere, urtero milioika euro galtzen ari da eta, bitartean, atzerriko milaka kamioik Gipuzkoa zeharkatzen jarraitzen dute ezer ordaindu gabe”. 

Bidegiko langileen ordenagailuen kopiari buruz, EAJ-PNVren batzarkideak esan du, baldin eta egindako lana arrunta bada, zergatik itxaron dute langileek lapurreta Ertzaintzara jotzeko asmoa azaldu duten arte, beraien lanpostuetan lapurreta izan zela salatzeko? Hortaz, Aintzane Oiarbidek Foru Aldundiari gardentasun falta egotzi dio eta Larraitz Ugarte foru diputatuari honakoa galdetu dio: “IZFE informatika zerbitzuak horrelako lanak egunero egiten ditu, orduan zergatik ez zaio eskatu IZFEri lan hori egiteko eta, aldiz, ezker abertzalearekin lotura duen enpresa bati eskatu zaio?”. 

Azkenik, Oiarbidek Mugikortasuneko eta Bide azpiegituretako foru diputatuari gogoratu dio, politikan edozer gauzak ez duela balio; alderdien arteko harremanak kaltetu dituela eta zaila izango dela bere onera ekartzea; eta, gainera, eskatu dio, boterea erabiltzeari uzteko arerio politikoari kalte egiteko.

,

Utzi iruzkina

AINTZANE OIARBIDE: BARRU BARRUTIK

Negar malkoak oraindik lehortzeko denborarik gabe ari natzaizu gutuna idazten.

San Antonioko izkinak dardarka utzi zenituen joan den igandean, zure bihotzak azken taupada eman zuenean. Zumelagako jangela atseginean, zure etxean, makina bat une goxo pasa dugu, baina nork esan behar zuen zure amaiera bertan izango zela! Gogoan dut nire seme Beñat jaio zenean “hau Martzial da” esan zenuela, “San Martzial egunean jaio eta ze izango da ba!” Umore fina eta barretxo txikia, abestea zenuen atsegin, Tiriki trauki hiru ta lau dira zazpi… Lagun eta umeekin maitekorra, begiekin guztiei egiten zenien irri. Zure bihotzak 52 urte besterik ez dizu eman… seguru aski, bularrean lekurik ez zuen bihotz potoloa zenuelako. Potolo, handi eta maitasunez gizendutako bihotza. Zure bizitzaren errelatoan bera izan da zure gorputz argalaren protagonista. San Antonion izan zen errelato horren hasiera, Deba ibaiaren ertzean. Manu, Iñigo, Txuso, besteak beste,  eta zu, Adrian, hantxe aritzen zineten jolasean gustura. Orain zure lagun minen malkoek bat egingo dute errekako urekin. Musu handi bat, Txelen, San Antonioko errekari begira oroituko zaitugu.

Utzi iruzkina

Aintzane Oiarbide:”Debagoienean, gurea”

29773_imagen_2

 

Euskal ekonomiaren egoera kezkagarria da.

Politikoki ere oso gertutik begiratzen omen gaituzte Espainia eta Europako komisarioek…: “Kontuz ze neurri hartzen duzuen, begira gaude eta”. Madrildik gure burujabetzaren aurkako erasoak ditugu egunero. Gipuzkoako udaletxe guztietan, berdin da nor dagoen agintean, guztiak, Madrilgo errekorteak aplikatzen ari dira halabeharrez.

Honen aurrean nola jokatu? Nola zuzpertu gure ekonomia? Gurea saltzen hasi beharra dugu, gure gizarte eredua, gure Herria, gure identitatea, gure industriaren baloreak, ondo egindako gauzak, kalitatezkoak. Baina gurea erosten hastea ezinbestekoa da. Gutako bakoitzak asko egin dezake. Nik deialdi bat egin nahi dizuet Debagoienean bizi zareten guztioi. Gure enpresa eta kooperatibak oso une gogorrak jasaten ari dira.

Gure bailaran egiten diren elektrogailuak erosi behar ditugu guztiok. Inguruan dauden enpresek ere elektrogailu hauetarako piezak egingo dituzte, lantegiek aurrera egingo dute eta kontsumoak gora. Egin dezagun ahalegina bertako produktuak erosiz, mankomunitate eta udaletan produktuak bertako lantegiei eskatuz. Lelo berria proposatzen dizuet: Debagoienean,  gurea.

Utzi iruzkina

Aintzane Oiarbide: Euskara amets”

Gaur gauean ametsetan ibili naiz.

Ametsean euskara pertsona bilakatu zait. Pertsona nagusia, itxuraz ez lodi eta ez mehe, baina ibiltzea kosta egiten zitzaion. Aurpegia ez diot ondo ikusi, baina ez zirudien oso pozik zegoenik. Soinean, muskuiluek dituzten lapa eta bizar batzuk zituen erantsita. Pisua hartu du erantsitako gehiegikeria arrotz hauengatik. Emakumea dela dirudi, baina bularrik ez diot ikusi. Elbarrituta dago nonbait, gaixotasun baten ondorioz. Ametsean, beso banatatik tiraka, bera maite duten seme-alabak agertu dira. Tira batera eta tira bestera… Jende asko inguratu da bere izena goraipatu eta aldarrikatzera, baina euskara triste dago. Ez du ingurune horretan egon nahi, soineko zuriz jantzia egon nahi du, garbi, guztien lagun, eskuragarri.

Maitasun dezente falta zaio, baina, eta batzuk bakarrik dauden lekuan ez du egon nahi. Benetako maitasuna nahi du, guztiona… Erabilera politikorik gabea. Ez dago eroso. Berdin dio nola pentsatzen duen bakoitzak, baina Ama Euskara da eta seme-alaba guztiek berdin maitatzea nahi du. Esnatu naiz, baina sentsazio gazi-gozoa dut ahoan.

 

Utzi iruzkina

Aintzane Oiarbideren iritzi artikulua Goienan

IBAI REDONDORI ERANTZUNA

(Aintzane Oiarbide. GOIENAKO kolaboratzailea)

Azaroaren  23an, Ibai Redondok,  nik Goienan Justizia Sozialari buruz idatzitako kolaborazioari erantzun zion. Hasteko esan behar dizut Ibai, zuk ondo azpimarratzen duzun bezala, Bergarako EAJko zinegotzia eta Batzar Nagusietako batzarkidea naizela. Ez dut sekula ezkutatu. Nire jarduera politikoa, ez profesionala , ez bai naiz politikagintzatik bizi, publikoa da erabat. Justizia sozialaz zerbait badakigu eta zuk ordezkatzen duzun Ezker Abertzaleak baina gehiago ere egin dugu bide horretan.  Euskadin, 30 urtetan zehar EAJk lideratu duen Eusko Jaurlaritzak, Gizarte Zerbitzuetarako legeak,Dirusarrerak bermatzeko laguntza eta Gizarteratze legeak sortu ditu. Honekin, Gizarte Azpiegiturarik handiena sortu dugu, menpekotasun egoeran, pobrezian edo gizarte baztertze egoeran dauden pertsonei babesa emateko Gizarte Azpiegitura. Gaur egun Diputazioan dugun Gizarte babesa ere guk sortutakoa da, bere akats eta guzti. Zure erantzunean aipatzen dituzu EAJko karguak izan dituzten 4 pertsonen izen abizenak eta orain enpresa pribatuan ze kargu dituzten. Ohitura txarra da jendearen izenak guztion ahotan jartzea eta hauei defendatzeko aukerarik ez ematea. Diana batean izenak jartzea ezker abertzalearen ohitura izan da gogoratu ere nahi ez ditudan garaietan. Badirudi zuk ere iturri horretatik edan duzula. Baina esan nahi dizut,  EAJko jendea ez garela guztiak kargudunak, ez aberatsak. Gehienak langileak gara. Ez gara extralurtarrak. Zure bizilagunak gara, gure seme-alabak beste guztiekin batera joaten dira ikastolara. Gure senitarteko asko, beste etxeetan bezalaxe, langabezian daude. Gaixotasunak eta arazoak ere beste edozeinek bezala pairatzen ditugu. Etxearen hipoteka ezin ordaindu dabiltzanak ere asko dira gure artean. Ez gara inongo gizartetako elitea. Bestalde, ezker Abertzalean ez dira guztiak langile soilak. Badaude enpresari eta kargudunak ere. Badaude aberatsak direnak ere. Ezker eta eskuin, neoliberal eta gainontzeko etiketak jartzea gaur egun sobra xamar daude. Gizarte hau osatzen dugunon artean ez dago soziologia diferentzia nabarmenik. Egotekotan bat azpimarratuko nuke EAJko kide eta Ezker Abertzaleko kide baten artean. Guk beti defendatu izan ditugu giza eskubide guztiak eta beti gaitzetsi ditugu giza eskubideen urraketa guztiak. Guztiak eta beti.

Utzi iruzkina

EAJ-PNV-k salatu du, Larraitz Ugarte mugikortasun eta bide azpiegituretako foru diputatuak ordainketa-sistema ezkutatzen jarraitzen duela, Gipzukoa zeharkatzen duten kamioentzat.

Aintzane Oiarbide jeltzalearen iritziz, “Foru Aldundiak onartu du egunero 7.451 kamioik Etxegarate zeharkatzen dutela, nahiz eta krisialdian gauden”.

Aintzane Oiarbide EAJ-PNVren batzarkideak salatu du, Larraitz Ugarte Mugikortasun eta Bide Azpiegituretako foru diputatuaren jarrera oldarkorra nahiz agintzailea. Izan ere, Larraitz Ugartek prentsaurrekoa egin du gaur goizean eta, ondoren, Oiarbidek honakoa esan du: “Gipuzkoarrek Ugarteren jarrera zigortu dute Euskal Autonomia Erkidegoaren hauteskundeetan. Ez dakigu Bilduk mezu hori jaso duen, Larraitz Ugartek, ordea, dirudienez, ez du jaso”.

Ildo beretik, Oiarbideren ustez, “Larraitz Ugartek ez du harremanik oposizioaren talde nagusiarekin, hau da, EAJ-PNVrekin; eta, beraz, oso zaila egingo zaio errepideak finantzatzeko foru araua onartzeko behar duen akordioa lortzea”.

Era berean, jeltzaleen hautetsiak segidakoa azpimarratu du: “Ugartek zehaztu gabe jarraitzen du Gipuzkoako Foru Aldundiaren arau proposamena. Zernahi gisaz, prentsaurrekoan argi utzi du, bakarrik EAJ-PNVrekin liskarra izaten jarraitu nahi duela”.

Aintzane Oiarbidek, halaber, Etxegarate egunero zeharkatzen duten kamioi kopurua izan du hizpide: “Mugikortasun eta Bide Azpiegiturateko foru diputatuak onartu duenez, egunero 7.451 kamioik Etxegarate zeharkatzen dute, nahiz eta krisialdian gauden. Gogoan izan, Gipuzkoako Foru Aldundiaren datuak jarraiki, 2007an 9.421 zirela”. Horren harira, Oiarbidek Ugarteri honakoa leporatu dio: “Ez du azaldu gipuzkoarrak ez diren kamioiek nola lagunduko duten Gipuzkoako errepideen finantzaketari zein mantentze-lanari”.

, ,

Utzi iruzkina

Aintzane Oiarbide: “Justizia sozialetik urrun”

Joan den igandean ikusi genuen egunkari bateko portadan…

… Bergarako TAVEX enpresan lan egindako langileen arazoa. 30-40 urte bertan lan egin ondoren, enpresa itxi, erretiroa eta indemnizazioak Belgikako aseguru etxe baten bitartez kobratzeko agindua jaso eta orain, hainbeste urtetan lan egin ondoren,  aseguru etxe horrek porrot egin eta Bergarako langileek erretiroa ezin kobratu. Bizi dugun krisi egoeraren beste adibide dramatiko bat! Langabezian, etxea ezin ordaindu, ikasketak amaitu eta etorkizun iluna… egoera goibel eta kezkagarria. Gure artean jende asko estu bizi da. Erakundeen aldetik non dago laguntza eta sentsibilitatea? Non dago justizia soziala? Raxoiren dekretua dela eta, herritarrak geroz eta gehiago estutzen dituzten neurriak gurean ditugu. Diputazioak onartu du BEZaren igoera Gipuzkoan. Fiskalitatearen eskumena izan arren Madrildik datorren neurria ezarri digu. Bergarako Udalak tasak %3 igo ditu, eta beste tasa batzuk hortik gora. Nori igo diote soldata neurri honetan? Nola egin behar diote aurre TAVEXeko langile ohiek igoera hauei? Justizia soziala aldarrikatzea ez da nahikoa. Gauzak eginez demostratzen dira.

,

Utzi iruzkina

Aintzane Oiarbide: Eaj-Pnv-k batzar nagusietan bere esku dagoen guztia egingo du, etxegaraten bidesaria jartzeko kamioilari kanpotarrentzat.

Jeltzaleen batzarkide taldeak Foru Aldundiari dei egin dio foru araua egin dezan, betiere lehengo legealdiko talde txostengilearen ondorioak oinarri izanda.

Gipuzkoako errepideen kudeaketaren eta finantziazioaren gaineko eztabaidak aurrera darrai. EAJ-PNV batzarkide taldeak Gipuzkoako Foru Aldundiari eskatu dio, foru araua egiteko Etxegaraten eta Idiazabalen bidesaria jartzeko. Aintzane Oiarbide jeltzalearen iritziz, “Bilduk errepideen kudeaketan deus ere egin gabe jarraitzen duen bitartean, atzerriko 10.000 kamioilarik Gipuzkoa zeharkatzen dute Foru Aldundiaren diru-kutxari sosik eman gabe”.

Ildo beretik, Oiarbidek honakoa esan du: “Eztabaida bideratzeko garaia da; hau da, bakoitzak iritzia eman behar du ekimenen bidez. Gurea segidakoa da: Foru Aldundiari eskatu diogu foru araua egin dezan Etxegaraten bidesaria jartzeko; izan ere, urtean 53 milioi galtzen ditu, atzerriko kamioilariei ordaindu gabe lurraldea zeharkatzen uzteagatik”. Horrenbestez, batzarkide jeltzalearen Foru Aldundiari dei egin dio, “lehengo legealdiko talde txostengilearen gehiengoak adostutakoa betetzeko eta, beraz, foru araua onartutakoaren harira egiteko”.

Aintzane Oiarbidek, halaber, azkeneko urteotan Bide-azpiegituretako departamentuak egindako lana gogoratu du: “Errepide-sarea asko hobetu da. Hortaz, lehengo legealdiko talde txostengilearen jarrera berreskuratu behar da”.

Azkenik, EAJ-PNVren hautetsiak segidakoa esan du: “Batzar Nagusietan ditugun baliabide guztiak erabiliko ditugu atzerriko kamioilariek Gipuzkoa zeharkatzeagatik ordaindu dezaten eta, beraz, gipuzkoarrok ez ordaintzeko bakarrik errepideen inbertsioak eta mantentze-lanak”.

,

Utzi iruzkina

Etxegaraten kamoiek ordainduta, urtean 53 milioi euro errekauda daitezkeela ohartarazi du EAJk

EAJk berretsi egin du Etxegaraten kamioientzako bidesaria jartzea komeni dela, Gipuzkoako  urtean diru-kutxara 53 milioi euro ekarriko lituzkeela argudiatuta.  Markel Olano eta Aintzane Oiarbide batzarkideek Bilduri eskatu diote neurria hartzeko, legealdi baten 212 milioi euro jaso daitezkeelako.  Bilduk proposatzen duen errepideen zerga berria gogor kritikatzen dute jeltzaleek, “gipuzkoarren postikoak hustu guran” dabiltzala salatuz.

Eguenean 10.000 ibilgailu astuan igarotzen dira Donostia-Gasteiz ibilbideko Gipuzkoako zatitik, EAJk prentsaurrean emaniko datuen arabera eta zenbaketei eutsita, bidesaria urte hasieran bertan ezarri izango balitz, kalkulatzen dute 40 milioi euro egongo liratekeela errekaudatuta dagoeneko. Bilduk proposatzen duen errepideen zerga berria gogor kritikatzen dute jeltzaleek “gipuzkoarren postikoak hustu guran” dabiltzala salatuz, “eta azterritik datorrena [garraio astuna] neurri handi baten, euro bakar bat ordaindu gabe” igarotzen dela.

,

Utzi iruzkina

%d bloggers like this: