Eaj-k herrian agertu diren pintadak salatzen ditu

Ekingo diogun garai berri hontan, Bergarako EAJk bart gaueko ekintzak gure gizartean lekurik ez dutela adierazi nahi du, denbora gutxian bigarren aldia. Bergaratar guztiak gonbidatu nahi ditugu gure seme alabei utzi nahi diegun herriaz, hausnartu dezaten, gertaera hau errepika ez dadin.

33224512_1998525983745357_7284472973073842176_n33384193_1998525970412025_666201401008848896_n

Advertisements

Utzi iruzkina

Agurne Barrusok eta EH Bilduk irtenbideak bilatzea baino, beren burua zuritzea dute helburu.

BergarakoEAJ

Kanpoko igerilekuaren proiektua nahiz obraren esleipena Agurne Barruso buru zuen EAE-ANV eta ARALARen gobernuak egin zituen, datu hauek, herritar ororen esku daude Udaletxean. Bakoitzak hartutako erabakien erantzukizuna bere gain hartu beharra dauka, erabaki hauek zuzenak nahiz okerrak izan, eta herritarren arazoei irtenbideak bilatu

Bergarako EAJ-PNVk, igerilekuaren inguruan sortutako polemika eta Agurne Barruso alkate ohiak egindako adierazpenenak argitu nahi ditu.

EAJ-PNVk argitu duenez, 2004eko apirilean, Vitoriano Gallastegi(EAJ-PNV/EA) alkate zela, Igerilekuen Proiektuaren lehen fasearen proiektu teknikoa onartu zen eta ondorengo bi urteetan, hurrengo faseak garatzen joan ziren, 2006an, Vitoriano Gallastegi Udalaren buru zelarik, Igerilekuaren eraikina zabaldu zen arte.

2006ko inaugurazioaren ostean, gobernu taldeak, Club Deportivo Bergararekin mantentzen ari ziren negoziaketek eskaintzen zuten aukera berria ikusirik, Agorrosingo kirol esparruaren inguruko azterketa integral bat egiteko tartea hartzea erabaki zuen, futbol zelaia barne, azken hau Udalaren esku geratzeko aukera baitzegoen.

Aukera berriak bilatzeko azterketa horretan, 2007ko hauteskundeak etorri ziren eta EAE-ANV, Agurne Barruso buru zuela, alkatetzara iritsi zen. Hurrengo urtean, 2008an, Agurne Barrusok kanpoko igerilekuaren proiektua aurkeztu zuen Hirigintza Batzordean eta urte horretan bertan, igerilekuen eraikuntza esleitu zuen jeltzaleek diotenez.

Datu hauek, herritar ororen esku daude Udaletxeko aktetan, publikoak baitira eta argi eta garbi uzten dute EAJ-PNVren aburuz, Agurne Barrusok, bere burua zuritze aldera, behartuta zegoela dionean, gezurretan ari dela. Kanpoko igerilekua egitea bere erabakia eta bere gobernuarena izan zen. Ez da zilegi, momentu hartan hartutako erabakiaren erantzukizunetik ihes egin nahi izatea eta horretarako besteak erantzule egitea. Gobernuek eta alkateek, agintean egonda hartutako erabakien erantzukizuna beregain hartu behar dute eta ez besteei errua bota beren burua zuritu nahian.

Jeltzaleek diotenez “EAJ-PNVk oso argi du gai hau eta herritar ororen zalantzak argitzeko prest gaude”. “Orain garrantzitsuena bakoitzak bere ekintzen erantzukizuna beregain hartu eta kanpoko igerilekuei irtenbidea bilatzea da, herritarrek, beren arazoak konpontzeko eta ez besteei gure erabakien errua botatzeko jartzen baitute beren konfiantza udal ordezkariengan”.

“Igerilekua txiki geratu zela ireki zen San Juan egunean bertan geratu zen argi. Geroztik legegintzaldi hura eta hurrengoa izan zituzten gaiaren inguruan hausnartu eta irtenbideak bilatzeko, baina orain arte ez diote gaiari heldu” dio EAJ-PNVk.

“Argi dago gai honetan Agurne Barruso alkate ohia ez dagoela lasai. Esan ohi den bezala, excusatio non petita accusatio manifesta” amaitu dute jeltzaleek.

Utzi iruzkina

BERGARAKO EAJ-PNVk UDAL ZINEGOTZI BERRIA AURKEZTU DU

– Iñaki Arregi Akizuk, Auzoetako, Landa Garapeneko eta Ingurumeneko batzorde-burua izandakoak, zinegotzi kargua utziko du datorren asteleheneko ohiko Osoko Udal Batzarrean eta Irune Galarraga Ezenarrok hartuko du haren lekukoa

Bergarako EAJ-PNVk Irune Galarraga Ezenerro aurkeztu du gaur Bergarako udal gobernu taldeko zinegotzi berri gisa, izan ere, Iñaki Arregi Akizuk uko egin dio zinegotzi karguari.

Auzoetako, Landa Garapeneko eta Ingurumeneko Batzorde-burua izandakoak datorren asteleheneko ohiko Osoko Udal Batzarrean utziko du zinegotzi kargua. Arregiren hitzetan, “esperientzia paregabea izan da eta herriaren izaera barrutik ezagutzeko aukera izan dut. Nirekin lanean aritu diren guztiei ere nire eskerrik beroenak eman nahi dizkiet, zuek guztiokin lan egitea samurra eta aberatsa izan delako” adierazi du. Zinegotzi ibilbideari amaiera eman dio, betidanik bere esparrua izan den gizarte alorrean lan egiteko. “2017ko urtarriletik aurrera, nire eginkizunen artean izango ditut: elikagaien bankoa, etorkinak, bizikidetza edota elkarteen ekintzetan parte hartzea” gehitu du. “Nire ordezkoari zorte ona opa diot, lanerako talde bikaina du eta ziur naiz, ezin hobeto egingo duela bere lana” amaitu du.

Haren lekukoa, beraz, Irune Galarraga Ezenarrok hartuko du. Bergarako Uri Buru Batzarreko lehendakariak, Mikel Letek, aurkeztu du zinegotzi berria. “Lehenik eta behin, Iñaki Arregiri eskerrak eman nahi dizkiot denbora honetan egin duen lanagatik eta herriarekin eta herritarrekin erakutsi duen konpromisoagatik. Bera ordezkatuko duen pertsonari, Irune Galarragari, ere eskerrak eman nahi dizkiogu proposamena onartzeagatik” esan du. “Gaitasun eta erantzukizun handiko emakumea da eta egun, Arrasateko Aita Meniko ospitaleko erizain zuzendaria da. 41 urte ditu eta 3 semeren ama da. Bere esperientzia kontutan izanik, ziur gaude ekarpen izugarria egingo diola taldeari” adierazi du Letek.

Letek Irune Galarraga zinegotzi berriari hitza eman dio eta honek kargua ilusioz, arduraz, konpromisoz eta lan egiteko gogo handiz hartu duela azpimarratu du. “Erronka eta esperientzia berri bat da niretzat; gogotsu egingo dut lan herriaren eta herritarren alde gobernu taldeak orain artean egindako lanari jarraipena emateko” amaitu du.

BERGARAKO EAJ-PNV
Bergaran, 2016ko azaroak 23

Utzi iruzkina

Bergarako Udalaren osoko bilkura, 2016-10-24

http://www.bideometa.net/node/20028287/browser_bideoa?is_hide_h1=1

Bergaran osoko bilkura izan da gaur, eta bertan onartu ditu udalbatzak 2017rako ordenantza fiskalak. Gobernuak bakarrik bozkatu du alde, baina oposizioak ere nabarmendu du hainbat puntutan adostasunera iristeko gai izan izana.

Utzi iruzkina

U>> festa Bilbon.

Utzi iruzkina

Eman diogu kanpainari hasiera.

dsc02583

Utzi iruzkina

Gaur inauguratu dugu Eaj-pnvren batzoki berria.

Gaur izan da bergarako batzoki berriaren inagurazioa. Bertan egon dira Joseba Egibar eta bailarako alkate eta zinegotziak. Alderdikide ugari ere gerturatu dira. Eskerrik beroenak bertaratu zareten guztioi.

 

Iruzkin 1

Elena Lete, Bergarako Alkate berri izendatu zuten atzo

Elena Letek, bere izendapenean esandako hitzak:

“Eskerrik asko guztioi,

Ilusioz eta indarrez ekiten diot ardura berri honi, ohore bat delako norberaren herriko alkatea izatea. Baina alkate batek, berak bakarrik, ezin du ezer egin; beraz, nerekin batera udal gobernua hartu duen lantaldeari eskerrak eman nahi dizkiot, bidean topatu dugun egoera berezi honetan azaldu didan babesagatik eta laguntzagatik.

Baina alkate batek eta udal gobernu batek, bera bakarrik, ezin du ezer egin; beraz, udal korporazioko beste taldeen ekarpenak jasotzeko eta elkarrekin eraikitzeko nire prestutasuna erakutsi nahi dizuet, horien bitartez Bergara hobeago eta aniztasunago lortuko dugulakoan.

Baina alkate batek, udal gobernu batek eta udal korporazio batek ezin du ezer egin udal langileen laguntza, kooperazio eta koordinazioa uztartzen ez badugu eta tarte labur honetan laguntza osoa erakutsi didaten moduan aurrerantzean horrela jarraituko dugulakoan nago.

Ez dago ahazterik legealdia hasi zenetik Juanje Alberdik egindako lana nire abiapuntua izango dela, noski bihotzez egindako lana eskertu nahi nion ez bakarrik pertsonalki baizik eta erakunde moduan ere bai, bere laguntza eta babesa ezinbesteko izan da niretako eta.

Egun hauetan askok zoriondu egin didate eta horren ostean beti erantzunkizun handi honen kezka aipatu didate, bai erantzunkizun handi bat dela somatzen dut eta erantzunkizun hau aurrera eramateko zer nolako birtuteak izan beharko nituzkeen inguruan gogoeta egin dut; Aristoteles filosofoak esaten zuen oinarrizko birtuteak templanza, fortaleza eta justicia zirela.

Ziuraski gauregun hauek birtuteak izaten jarraituko direla edo nik horrela usten dut, behintzat, baina   gaur egungo kontzeptuarekin lan egitearren nik uste gobernu berri honi gobernantza bidean pausuak ematea dagokio; hau da, erabakiak hartzeko gizarte eta udal erakundeak lana elkarrekin egin beharko lukete eta gure ekarpena arlo honetan, bai edo bai, partaidetza sendotzeko eta uztartzeko neurriak eta tresnak jorratzea izan beharko da.

Ausnartzeko egun aproposak izan ditut eta gobernantzaren barruan osagai asko sartu beharko direla ikusi dut: partaidetza, legalitatea, gardentasuna, erantzunkizuna, adostasuna, justizia, eraginkortasuna eta sentsibilitatea. Ez da ba erronka makala, baina espero hemen zaudeten guztieen ekarpenekin lortuko dugula, denok interes bakar bat daukagulako “ Bergara herria”

ESKERRIK ASKO”

DSC_0505

Utzi iruzkina

ELENA LETE IZANGO DA BERGARAKO ALKATETZAN JUANJE ALBERDIREN LEKUKOA HARTUKO DUEN ZINEGOTZIA

DSC01583

  • Atzo egindako Batzarrean aho batez erabaki zuen Bergarako EAJk Elena Lete Alberdiren ordezko izendatzea
  • Uri Buru Batzarreko lehendakariak azpimarratu du, ordezko ezin hobea dela bere formakuntzagatik, lan eskarmentuagatik, administrazioaz duen ezagutza zabalagatik eta taldean lan egiten ohituta dagoen pertsona izateagatik

Elena Lete Garcia, 50 urteko emakumea, bergararra, egun Bergarako Udaleko Hirigintza Batzordeburu eta 2013. Urtetik Eusko Jaurlaritzako Lurralde Plangintzaren eta Hirigintzaren Zuzendaria, aurkeztu du EAJ-PNVk Bergarako alkatetzan Juanje Alberdiren ordezko gisa.

Mikel Lete, Bergarako Uri Buru Batzarreko lehendakariak aurkeztu du Elena Lete. “EAJ-PNVren asanblean aho batez hautatua izan ondoren, Alberdiren lekukoa nork hartuko duen jakinarazi nahi dizuegu” zioen Letek aurkezpenari hasiera emanaz.

Elena Lete Garcia, lanbidez aparejadorea, Arrasateko Udaletxean 22 urtetan lan egina da, hirigintzako teknikari bezala, obretako teknikari bezala eta mantenu eta zerbitzu buru bezala. Aipatu modura, egun Eusko Jaurlaritzako Lurralde Antolakuntza eta Hirigintza Zuzendaria da. Ezkondua da, hiru seme alaben ama eta euskaldun berria.

“Bergarako alkate izateko profil egokia duela uste dugu”, jarraitu du Bergarako UBBko lehendakariak. “Ikusten duzuen bezala, emakume prestatua da Elena eta sarritan esan dugun bezala, talde oso ona dago jada Udaletxean eta alkate postua betetzeko beste aukerarik bazegoen arren, Elena bereziki egokia dela uste dugu, oso pertsona prestatua izateaz gain, administrazioaz ezagutza zabala duelako, lan eskarmentu handia duelako eta baita taldean lan egiten dakien emakumea delako”, bukatu du Mikel Letek.

Bergarako EAJ-PNVren lehendakariak hitza eman dio ondoren hautatu berri duten alkategaiari, bere onarpena eskertuz.

Hona Elena Leteren hitzak:

“Eskerrik asko, Mikel, zure hitzengatik eta Bergarako alkatetzan Juanjeren lekukoa hartzeko niregan jarri duzuen konfiantzagatik. Esan duzun bezala, zinegotzi talde bikaina dugu eta badakit denen laguntza izango dudala egin beharreko lan hau aurrera eramaten jarraitzeko.

Ilusioz eta indarrez ekingo diot ardura berri honi, norberaren herriko alkatea izatea baino ohore handiagorik ez bai dago.

Erantzukizun handia dakarren ohorea da halere, beraz ez da erabaki erraza izan.

Ezagutzen ditut nire bizitzan sortuko dituen aldaketak, bizitza nahiko pribatu batetik bizitza publiko batera pasatzea adibidez.

25 urtetan herri administrazioan lan egin ondoren gainera, ondo dakit alkate izateak berarekin dakartzan ardura eta lanak ez direla nolanahikoak.

Badakit horrek nire familiarentzako denbora ere kenduko didala, eta horregatik familiaren oniritzia jasota hartutako erabakia izan da hau .

Funtzio publikoan itsu sinesten dut, lehen langile moduan eta orain ordezkari publiko bezala eta horrek ere lagundu dit erantzukizun hau onartzeko momentuan.

Eta berriz ere, eskerrak eman nahi dizkiot aukera honengatik, Bergarako EAJ-PNVri eta eskerrak eman nahi dizkiot baita ere nire udal talde den eta izango denari beren babes eta konfiantzagatik. Eta, nola ez, baita oraindik alkatea den Juanjeri, orain arte egindako lanarekin bidea jorratuta uzteagatik.

Guzti hau esanda, ekainetik hasita daukagun lana gogoz jarraitzeko prest naukazue.”

BERGARAKO EAJ-PNV

Bergaran, 2015ko abenduak 3

 

Utzi iruzkina

EAJ-PNVK 5. EDUKIONTZIAREN ALDEKO APUSTUA BERRETSI DU .

DSC01572

EAJ-PNVK 5. EDUKIONTZIAREN ALDEKO APUSTUA BERRETSI DU SISTEMA ERAGINKORRAGOA, MERKEAGOA, GARBIAGOA ETA EROSOAGOA DELAKO

  • Hori dela eta, datorren igandean, hilaren 29an, ospatuko den kontsultan parte hartzera eta 5. edukiontziaren alde bozkatzera animatu dituzte bergarar guztiak
  • Halaber, jeltzaleek azpimarratu dute, Mankomunitateak egindako ikerketa lanen arabera, edukiontzi sistemarekin, urtean, 230.000 euro aurreztu ahal izango direla eta sistema berria ezartzeko beharrezkoa den inbertsioa 7 hilabete eta erdian amortizatuko dela
  • Azkenik, EAJ-PNVK, herritarren partaidetza sustatu eta bermatzeko, informazio kanpainak eta sentsibilizazio ekintzak egitea beharrezkoa dela nabarmendu du

Bergarako EAJ-PNVk, datorren igandean, azaroaren 29an, Udaletxeak deitu eta antolatu duen kontsultaren harira, 5. edukiontziaren alde egin du, berriz ere, gaurko prentsaurrekoan. Galdeketaren bitartez, inposaketak alde batera utzita, bergararrek erabaki ahal izango dute udalerrian zein hondakin bilketa sistema ezarri. “Hau guztia posible da EAJ-PNV dagoelako udal gobernuan” adierazi dute.

Jeltzaleek, hainbat datu eman dituzte edukiontzi sistemaren alde egiten duten apustua indartzeko eta sistema hau eraginkorragoa eta merkeagoa dela egiaztatzeko. Azaldu dutenez, alde batetik, Udaletxeko txostenek, azken 4 urteetan, hondakinen bilketak 1.335.00 euroko defizita sortu duela frogatzen dute. Bestetik, Mankomunitateak eginiko ikerketa lanen arabera, edukiontzi bidezko bilketa sistemarekin, Bergarak, 230.000 euro inguru aurreztu ditzake urtero. Gainera, txintxilikarioak kendu eta edukiontzi berriak jartzeko egin beharreko inbertsioa 7 hilabete eta erdi inguruan amortizatuko litzateke. Azkenik, Mankomunitateak gaikako bilketa sistemaren inguruan eman dituen datuek frogatu dute edukiontzi sistemaren bitartez atez atekoarekin lortutako emaitza berdinak edo hobeagoak lortu daitezkeela.

Arrazoi horiek guztiak direla eta, EAJ-PNVk beti egin du apustu 5. edukiontziaren alde eta gauza bera egin du gaurkoan ere; emaitza berdinak edota hobeago lortu daitezkeela frogatu delako, horren adibide gabia da Arrasateko kasua eta azken finean, sistema merkeagoa, garbiagoa eta pertsonentzat erosoagoa delako. “Egunetik egunera hobetu daitekeen sistema da, herritarren beharretara egokitzeko aukera eskaintzen du eta gaikako hondakin bilketa emaitza hobeak lortzea ahalbidetzen du”.

Ildo horretatik, Bergarako EAJ-PNVk azpimarratu du, inposaketak albo batera utziz, gaikako hondakin bilketa sistemaren eraginkortasuna eta arrakasta bermatzeko herritarren inplikazio eta partaidetza ezinbestekoak direla. Aipatu guztiagatik, jeltzaleek beharrezkotzat jo dute informazio kanpainak egitea eta sentsibilizazio ekintzak gauzatzea, hondakinen inguruko arazoaren baitan, herritarrek kontzientzia har dezaten eta beren parte hartzea areagotu dezaten.

Azkenik, Bergarako EAJ-PNVk, hondakinak gaika sailkatzen jarraitzeko eskatu diete bergarar guztiei, orain arte egin duten bezala, sistema berriarekin, hondakinak etxean pilatuta izan ordez, zaborra edozein egunetan eta edozein ordutan- dagokion edukiontzian- botatzeko aukera izango dutelako. “Hau horrela izan dadin beharrezkoa da zure botoa, horregatik, bergarar guztiak animatu nahi ditugu datorren igandean, hilaren 29an, ospatuko den kontsultan parte hartzera eta 5. edukiontziaren alde bozkatzera” amaitu dute.

Bergarako EAJ- PNV

2015eko azaroak 25

Utzi iruzkina

%d bloggers like this: