Hemen gure talde berria!

Advertisements

Utzi iruzkina

Eaj-Pnv-k azken 40 urtetan ordezkatu duten pertsonak omendu zituen. Eskerrik asko guztiei.

2019-05-21 BERGARA HOMENAJE

Utzi iruzkina

Igandeko Mitineko Argazkiak

 

Utzi iruzkina

Elena Lete alkategaiak ohartarazi du Bergarak ezin duela “trofeoa” izan ezker abertzalearentzako.

Elena Lete alkategaiak ohartarazi du Bergarak ezin duela “trofeoa” izan ezker abertzalearentzako: “Bergarak ezin du atzera egin, Bergara ezin da duela lau urte zuen egoerara itzuli. Bere etorkizunari heldu behar dio, ez iraganari, istiluei eta noraezari. Bergara ez da trofeo bat, eta ez da iraganera itzuliko, aurrera egingo du”. Horretarako EAJ-PNVren eredua aldarrikatu du, bere eskutik lau urte hauetan udalerriak “aldaketa nabarmena” eman duelako. “Badakizu zergatik? Herritarrei entzuteko gaitasuna eta kudeaketarako gaitasuna izan dugulako. Hori da EAJ-PNV Bergaran ere: kudeaketarako gaitasuna, lankidetzarako gaitasuna eta akordioak erdiesteko gaitasuna”, nabarmendu du.

Lehendakariak Bergaran berretsi du talde jeltzaleak enpleguaren alde egiten duen apustua, “gizarte kohesioaren faktore gisa”, “balore etikodun proiektua” aurkeztearen garrantzia nabarmendu du eta Euskadiren nazio aitortza aldarrikatu du

Iñigo Urkullu Lehendakariak EAJ-PNVren jarduna inspiratzen duen gizarte konpromisoa jarri du maiatzaren 26rako kanpainaren erdian. EAJ-PNVk Bergaran egin duen ekitaldi politikoan hitz egin du gaur, Joseba Egibar Gipuzko Buru Batzarreko presidentearekin, Markel Olano Gipuzkoako ahaldun nagusi eta berrautaketarako hautagai jeltzalearekin eta Elena Lege Debagoienako herri horretako zerrendaburu jeltzalearekin. “Garrantzitsuena da defendatzen dugun ideario sozial hori, pertsona guztiek bizitza bete eta duina izan dezatela”, baieztatu du Urkulluk.

Lehendakariak esan du enplegua dela “gizarte kohesioaren faktorea” eta talde jeltzaleak lanpostu berriak sortzeko egiten duen apustu erabakigarri eta zuzena egiaztatzen duten datuak eskaini ditu. “Gure proiektua da ekonomiaren eta enpleguaren alde egiten den indarren batuketa: lehiakortasun ekonomikoa; industria aurreratua; etengabeko prestakuntza; sare industrialerako teknologia. Emaitzak: 2017an okupazio tasak %70 a gainditu zuen; 2018an langabezia %10,3ra jaitsi zen; txirotasun arriskua 4,9koa da Euskadin eta 6,4koa Europan; duela bost urte Euskadin 871.000 pertsona zeuden Gizarte Segurantzan, gaur 963.000 dira. Bost urte eta 92.000 pertsona gehiago lanean. Ez da nahikoa. Bide beretik jarraituko dugu. Enpleguz enplegu. Pertsonaz pertsona”, baieztatu du.

Urkulluk era berean azpimarratu du maiatzaren 26an hiritargoari baloredun proiektua eskaintzeak duen garrantzia. “Elkartasuna eta gizarte justizia eskaintzen duten baloreak; emakume eta gizonen arteko berdintasuna; esfortzuaren, ingurumenarekiko erantzukizunaren eta klima aldaketaren kontrako borrokaren kultura; gardentasuna eta zintzotasuna; gizabanakoaren eta taldearen etika”, esan du. “Konpromiso etikoa. Iraganaren memoria kritikoa. Bake kultura. Elkarbizitza. Min bidegabea aitortzea. Herri honetan gertatu dena ez da sekula gehiago gertatu behar”, gaineratu du Urkulluk. Eta “garrantzizko gauzen artean”, Lehendakariak era berean sartu du Euskadi nazio gisa aitortzea. “Garrantzitsuena da gure Autonomia Estatutua defendatzen jarraitzea, Euskal autogobernu berezia. Garrantzitsuena da Estatu eredu berri bat defendatzea, Euskadiren nazio aitortza eta gure Autogobernu berezia aitortzea. Hori da garrantzitsuena”. Horregatik guztiagatik, euskal hiritargoari galdetu dio M-26ko abstentzioak “garrantzitsuena indartu edo ahulduko ote duen”.

Bere aldetik, Gipuzkoako diputatu nagusi izateko hautagai den Markel Olanok EAJ-PNVren alde ekonomian jarri du azpimarra, Aldundiak legealdi honetan garatutako estrategia industriala nabarmenduz. Esan duenez, egiteko modu honi esker Gipuzkoa sendotu egin da. Honela, azpimarratu du EAJ-PNV dela “estrategia industriala duen aukera politiko bakarra”. “Estrategia hori da gure seme-alaben etorkizuna bermatu dezakeen bakarra. Ondorioz, datorren igandean etorkizunaren edota iraganera itzultzearen artean aukeratu beharko dugu”, adierazi du.

Iraganaren ideia honetan sakonduz, hautagai jeltzaleak esan du “kudeaketa txarrak” eta “inposizioak” aurreko legealdiaren bereizgarriak izan zirela, ezker abertzaleak lurraldeko erakunde nagusiak gobernatu zituenean. “Etengabeko liskarra genuen duela lau urte bai Gipuzkoan zein Bergaran, eta Seminarioa edota hondakinen kudeaketa ditugu honen adibiderik onena”, gogoratu du. Egoera hau azken lau urtekoarekin alderatu du gero Olanok, “aldaketaren eta akordioaren legealdiarekin”. Honela, gogoratu du agintaldi honetan Bergarako autobidea bezalako proiektuak desblokeatu direla, edota krisi ekonomikoaren gordinena gainditzea lortu dela. “Gainera, akordioaren, elkarlanaren eta gizartearekiko konfiantzaren aldeko apustu irmoa egin dugu, eta Etorkizuna Eraikiz proiektua da honen adibiderik argiena”. Olanok azaldu du marko honetan lurraldearen etorkizunarentzako berebiziko garrantzia duten gaiak lantzen hasi direla, hala nola, zahartze osasuntsua, emakume eta gizonen arteko berdintasuna edota ekonomia berriaren oinarriak ezartzea.

EAJ-PNVren Gipuzko Buru Batzarreko presidente den Joseba Egibarrek, bere aldetik, aldarrikatu du EAJ-PNV dela Euskadirentzako proiektua daukan aukera politiko bakarra, eta gehitu gainerako alderdiek ez dutela honen aurrean alternatiba ez politiko ez sozialik: “Guk egiten duguna kopiatu, imitatu edo gainditzen saiatu daitezke, baina betiere EAJ-PNVk eraiki duen egituraren barruan”, esan du. Proiektu jeltzalea “imitatu” eta “tuneatzeko” saiakera honen aurrean, Egibarrek aldarrikatu du “EAJ-PNV ezin dela imitatu, oinarriak politikoak baitira; konpromiso etiko, politiko eta demokratikoaz hitz egiten dugunean ez gara orri batez ari, EAJ-PNVren posizionamendu integral batez baizik; lehen unetik, belaunaldiz belaunaldi, pertsona guztien giza eskubideen aldeko posizionamendu argia, edozein dela ere egoera eta kondizioa, giza eskubidea zatiezinak baitira; eta konpromiso demokratiko eta politikoa egingarri diren bideetatik”. “Beraz, imitazio gutxiago, kamuflaje gutxiago, eta egiazkotasun gehiago, akordioak erdietsi eta elkar ulertzeko aukera gehiago”, eskatu dio ezker abertzaleari.

Honela, arduradun jeltzaleak gogoratu nazio eraikuntza eta eraikuntza soziala bere alderdiak aldezten duen eredu sozioekonomikoaren “txanpon berearen bi aldeak” direla, nahiz eta Euskadik oraindik ere ez dituen erreminta guztiak eskura, ez baititu Estatu baten eskumenak. Hala ere, esan du EAJ-PNVk proiektu sozioekonomiko hau garatzen jarraitzeko “dagoen berme bakarra” dela esan du, “ardatz nagusia baikara”. Hau guztiagatik, azken ahalegina eskatu du eta kanpainaren azken astean mobilizaziorako deia egin du, EAJ-PNVren jarraitzaileei “egunean gestio” bat egiteko eskatuz: pertsona bat konbentzitzea alderdi jeltzalea bozkatzeko. “Hau eginez, sei edo zazpi aldiz biderkatuko dugu gure indarra. Eta ez ahaztu boto bakoitzak duen indarra, estrategiak sendotu eta Herri honek aurrera egiten jarrai dezan behar dugun indarra lortzeko”.

Utzi iruzkina

Eman diogu kanpañari hasiera!! Eman bidea Bergarari!!

Utzi iruzkina

Ondorengoei Bergara hobe bat laga nahi dien proiektua” bultzatuko duen hautagaitza aurkeztu du EAJk

candidatura

Elena Lete alkategaia buru, profiil eta ikuspuntu ezberdin eta aberasgarriekin osatu du zerrenda Bergarako EAJk, “eraginkortasunez eta sentsibilitatez” jardungo duena

Bergarako EAJ-PNVk, Elena Lete alkategaia buru, maiatzaren 26ko  udal hauteskundeera aurkeztuko duen zerrenda eman du ezagutzera gaur, Munibe plazan egindako ekitaldi jendetsu batean. Ekitaldian, herriko hautagaiekin batera, Gipuzko Buru Batzarreko presidente Joseba Egibarrek eta Gipuzkoako diputatu nagusigai Markel Olanok ere hartu dute parte.

Esker hitzak izan ditu, lehenik eta behin Letek, bozetan zerrendakide izango dituen herritarrentzat. 19 emakume-gizon, “auzo, adin, sentsibilitate eta arlo ezberdinetatik datozenak”, baina “guzti guztiak ikuspuntu aberasgarri eta baliotsuak” dituztenak, alkategaiak azpimarratu duenez. Talde honek, “gure ondorengoei herri hobe bat laga nahi dien proiektuari” bultz egingo dio, “bizikidetzan oinarria duen Bergara bat”, “euskalduna, parekidea, inklusiboa eta ekintzailea”, Lete beraren hitzetan. Agindu duenez, “eraginkortasunean eta sentsibilitatean oinarrituko den kudeaketa” izango da EAJ-PNVrena.

Konpromisoak eta hitza betetzeko

Jeltzaleek honela, Bergarako Udalean agintaldi honetan ekindako lanari jarraipena eman nahi diote eta, hain zuzen, aurkezpen ekitaldian, legealdi honetan jeltzaleen ekarpena balorean jarri eta aldarrikatu du Elena Letek; nola “emandako hitza betez”, “herritarren nahi eta eskaerei bidea eman” zaien joandako lau urteetan Bergaran, gidaritza jeltzalea izan duen gobernu batekin.

Esaterako, Seminarioko patioko lur azpiko aparkalekuak eraikitzeko egindako apustua aipatu du Letek, “herritarren gehiengoak horrela nahi izan duelako” eta, horregatik, “lanean irmo” jarraitzeko konpromisoa hartu du alkategaiak, “helburuak betetzen”. Eta legealdi berrian begirada jarriz, Letek aipatu du Agorrosineko zelai berria egiteko lan egingo dutela, Bergarako Kirol Elkartearekin batera. Hain justu, proiektuak aurrera atera eta konpromisoak betetzeko, elkarlana eta partaidetza jarri ditu alkategaiak datorren legealdiko zutabe gisa. “Orain arte egin dugun moduan, herritarren partaidetza bultzaten jarraituko dugu, esan du hautagaiak, “herritarrei hitza ematen eta herritarrei entzuten”. Bergarako Udalak, legealdi honetan bi galdeketa egin ditu eta alkategaiak agindu du “herriari galdetzen jarraituko” dutela, gobernuan jarraituta.

Oinarri horiekin, Elena Letek, datozen lau urteetarako dituzten lehen proposamenak aurreratu ditu ekitaldian, aurki aurkeztuko duten hauteskunde-programan jaso eta garatuko dituztenetako batzuk. Hala, ildo garrantzitsuenetako bat bertako enpresa, merkatari eta ekintzaileei babesa eta bultzada emateko ekimenak izango direla azaldu du eta arreta berezia jarriko dutela, baita ere, gazteei aukerak eman eta euren etorkizuna eraikitzeko erraztasunak emateko. Hezkuntza eta kultura esparru nabarmenak izango dira eta gizarte eragileei dagokienez, elkarlarekin jarraitu eta lankidetza ezberdinetan sakondu egin nahi dute jeltzaleek, bereziki, adinekoen esparruan eta desgaitasunak dituzten pertsonekin.

Markel Olano: “Gipuzkoak konfrontazioko iraganaren eta adostasuneko etorkizunaren artean aukeratu behar du

“Datozen foru hauteskundetan, konfrontazioko iraganaren eta adostasuneko etorkizunaren artean aukeratu behar du Gipuzkoa, ezker abertzalea edo EAJ-PNV. Denok dakigu nolakoa izan dena iragana; etorkizuna, bere aldetik, herritarrengandik gertu egotea da, etengabeko harremana izatea, entzute aktiboa, elkarlana… etorkizuna EAJ-PNV baita”. Hala adierazi du gaur Markel Olano diputatu nagusi izateko hautagaiak, gaur eguerdian Bergaran egindako ekitaldi jendetsuan, zeinean Bergarako EAJ-PNVk, Elene Lete alkategaia buru, maiatzaren 26ko udal hauteskundeetarako zerrenda ezagutzera eman duen. Munibe plazan egindako ekitaldian, herriko hautagaiekin batera, parte hartu du, baita ere, Joseba Egibar Gipuzko Buru Batzarreko presidenteak.

Olanok azaldu duenez, ordezkatzen duen alderdia da lurraldea kudeatzen jarraitzeko “aukerarik onena” eta “prestatuen dagoena”, “zeren horrela erakutsi baitugu azken legealdi honetan”. “Orain eta etorkizuna gara, Gipuzkoa sendotzen jarraitzeko eta guztiontzako ongizatezko etorkizuna eraikitzen jarraitzeko bermerik onena”, azaldu du.

Nabarmendu eta gero Gipuzkoa, 720.000 biztanle dituela, lurralde “langilea, solidarioa, berritzailea eta ekintzailea” dela, oroitarazi du aurreko legealdian gizarteari “bizkar eman zitzaiola”; legealdi honetan, berriz “gizartean konfiantza eduki eta entzun egin diogu. Eta hori jendeak onartu egiten digu”. Izan ere, “EAJ-PNVn proiektuei zehaztasunez eta seriotasunez heltzen diegu; eta horretaz ezin du alderdi guztiek hitz egin”. “Hain zuzen, demostratu dugu gure hitza betetzeaz gain, ongi kudeatzen dugula, arazoei konponbidea emanez, esaterako, hondakinen kudeaketan edo Deskargako autobidea martxan jarrita”, erantsi du Olanok, zeinaren ustez Deskarga bera den kudeaketa onaren “adibide paradigmatikoa”; baita azpimarratu ere Aintzane Oiarbide diputatuaren “lan bikaina Deskargan eta EH Bilduren porrota aurreko legealdian”.

Bestalde, Olanok azpimarratu du legealdi honetan lehentasuna eman diotela ekonomiari eta desberdinkeria gutxitzeari”. Nabarmendu eta gero Gipuzkoan langabezia %8raino jaitsi dela, esan du hala ere lanean “jarraitu behar dugula prekarietatearen aurka eta kalitatezko ;enpleguaren alde”. Eta hori, bere ustez, “ezin hobeto islatzen da Mondragon Korporazioaren misioan: kalitatezko enplegua sortzea”.

Era berean, dipatu nagusi izateko hautagaiak adierazi du “oso deigarri egin zaiola ikustea bakarrik EAJ-PNVk duela hizpide ekonomia, gure enpresen etorkizuna edo gizarte kohesioa; harrigarria da sindikatuak eta beren burua ezkertiartzat duten alderdiak isilik egotea. Bakarrik aho txikiarekin al dira ezkertiarrak?”. Gaineratu du EAJ-PNVren eredua da gizartean konfiantza izatea eta entzutea, elkarlanean aritzea, inor baztertu gabe; eta guztientzako gobernatzea, irainik edo errespetu faltarik gabe”. Horren harira, gogorarazi du iraganean konfrontazioko egoerak bizi izan baditugu ere, inork ez gaituela eszenategi horretan aurkituko, gure kultura politikoa juxtu kontrakoa delako, errespetuan, entzute aktiboan eta akordioan oinarrituta”.

Arlo sozialean, azaldu du Gipuzkoak gizarte kohesionatua duela eta, azken urteetan, desberdintasunak murriztea lortu duela. “Gero eta lurralde kohesionatu eta berdinagoa izatea nahi dugu, eta hori da EAJ-PNVren eredua hain zuzen”, nabarmendu du. Puntu honetan, Elkar-EKINen garrantzian jarri du azpimarra, legealdi honetan gizarte bazterkeriari aurre egiteko martxan jarri den ekimena. “Seguruenik, alderdi bezala martxan jarri dugun ekimen politik eta politikoki adierazgarrienetakoa da; berez uste dugu Elkar-EKIN Europa mailan aztertua izango dela”.

Dena den, Olanok azpimarratu badu ere Gipuzkoan desberdinkeria jaitsi egin dela (“GINI indizea puntu bat jaitsi da, 25,3ra, alegia, Noruegaren pare”), esan du oraindik ere 35.000 lagun daudela pobrezia egoeran edo arriskuan. “Eta hori da, hain zuzen, Elkar-EKIN Gizarteratze Planaren egitekoa, zeinari esker lortzen ari den urtero 1.000 pertsonak lana aurkitzea”.

Berriro diputatu nagusi izateko hautagaiak erantsi du Elkar-EKIN planaren bitartez, esperantza eta enplegu duina eman nahi diegula kolektibo ahulei, baita prekarietate egoeran bizi diren gazteei ere. Hau da, desberdinkeriari aurre egiteko ez dugu lema erraz eta superfizialik erabiltzen; guk, aldiz, ekintza zehatz eta efizienteak egiten ditugu”.

Laburtzeko, Olanok esan du hauteskundeetara aurkeztuko duen programa hiru ardatz nagusiren inguruan gorpuzten dela: “Gizarteari entzun eta konfiantza eman, seriotasunez eta zuzentasunez eutsi proiektuei eta “lehentasun osoa” ematea ekonomiari eta desberdintasunen aurkako borrokari. Horretaz ari gara, baita ere, Gipuzkoa sendoa nahi dugula esaten dugunean”. 

Joseba Egibar

Joseba Egibarrek, berriz, nabarmendu du herri batek, nazio batek, “herrigintza” behar duela, eta jakin “zertarako eta nola eraiki behar duen”. Eta gaineratu du azken hamarkadatan bi estrategiak “talka egin dutela”, baina gaur egun ezker abertzaleak jada ez duela bere burua abertzaletzat, ezker independistatzat baizik; eta hori Arnaldo Otegik berak esana da. Beraz, EH Bilduk jada ez du aberria aipatzen. EAJ-PNVn berriz, abertzaleak gara gauza guztien gainetik, abertzalea izatearen oinarria pertsona bera delako, bere giza eskubideekin, edozein gauzaren gainetik”.

“Guk proposatzen duguna da eredu bat non eskubideak eta baloreak uztartzen diren, elkarbizitzan oinarrituta”, nabarmendu du Egibarrek, zeinak, amaitzeko, EAJ-PNV-ren “konpromiso etiko, politiko eta demokratikoa” ahotan hartu dituen. Eta gogoratu du alderdi jeltzalea dela “ezaugarri horiek batzen dituen alderdi bakarra. Izan ere, ez PSEk ez ezker abertzaleak ezin dute hori bermatu. Ez gara nagusi, baina bai ardatz”, osatu du.

Utzi iruzkina

Gaur Bergarako Eaj-ren hautagaitzaren aurkezpena egingo da. 12 etan denok munibe plazara. Eman bidea bergarari

Utzi iruzkina

VALORACIÓN DE LA LEGISLATURA

DSC01472

VALORACIÓN DE LA LEGISLATURA

Llegamos al Ayuntamiento en un momento de impasse para Bergara, con la crisis económica aún presente, un pueblo falto de ilusión y un gobierno municipal que no acertaba a gestionar con acierto sus recursos para revitalizar nuestro pueblo.

Visualizábamos una Bergara más cohesionada, con recursos propios bien gestionados y que diera un paso adelante en el día a día y creciera. Lo vimos posible y nos pusimos a trabajar duro en ello, manteniendo la coherencia y cumpliendo las promesas realizadas en nuestro programa. Para ello, ha sido primordial realizar la escucha activa en todo tipo de foros locales y primar diferentes foros de participación para luego llevar a cabo los mejores proyectos. De esta manera, hemos contribuido a que Bergara sea hoy un pueblo mejor equipado, más desarrollado y más cohesionado donde se vive mejor.

Además, hemos demostrado que Bergara tiene la capacidad de sobreponerse a las dificultades mediante una gestión y un trabajo común entre Ayuntamiento y ciudadanía. De esta manera, de una forma coordinada y activa hemos sabido dar respuesta favorable a situaciones imprevistas (desprendimiento en Bolu, inundaciones, incendios…

Empresa y empleo

Desde el inicio de la legislatura hemos alimentado los foros de trabajo con nuestros empresarios y comerciantes, promoviendo la constante colaboración y emprendimiento de acciones comunes en beneficio de actividades económicas grandes, pequeñas y de comercios de Bergara. Ejemplo de ello son el trabajo conjunto con la asociación de comerciantes local Bedelkar, y la óptima salud con la que cuentan las redes ENPRESARE (43 encuentros) y BERELAN. Fruto de estas dos son las innumerables colaboraciones entre nuevas empresas y aprovechamiento de conocimientos.

También estamos colaborando con nuestros empresarios para fortalecer su posición y generar empleo en Bergara. Lo hemos hecho con ilusión, voluntad y decisión, y para ello hemos puesto en marcha muchas iniciativas: adecuación de instrumentos urbanísticos, elaboración de convenios, gestiones administrativas… El resultado está en los 15 pabellones en Larramendi; en la ampliación de la empresa Soraluce Scoop en Osintxu; en la apuesta para la inversión de Ederlan en San Juan; en las nuevas divisiones inauguradas por Erreka en San Juan; y especialmente en el polo estratégico que Gureak ha puesto en marcha en el antiguo emplazamiento de Candy, recuperando 72.000 metros cuadrados de suelo industrial vacio durante 9 años.

Calidad de vida

Hemos convertido a Bergara en un pueblo limpio, cómodo, saludable y accesible ampliando las zonas de ocio en el entorno natural, primando la actividad y la salud, reforzando la red de bidegorris con una inversión total de 1.455.871 euros y una amplia red, así como de zonas de paseo y esparcimiento en el municipio; ampliando la oferta deportiva (reforma del polideportivo de Altos Hornos, revitalización del frontón de Bolu, graderío en Agorrosin, chorros de agua…) y trabajando codo a codo con otros agentes locales. Además, seguiremos profundizando para llegar a más acuerdos con BKE.

Cultura, tradicionalmente innovadores

Nos comprometimos a preservar y fortalecer nuestras tradiciones; ejemplo de ello es la transformación de la Banda de Txistularis que hemos reforzado notablemente. Otro hito es el nombramiento internacional de Bergara como Ciudad Histórica de la Ciencia, logro extraordinario acarreado por el descubrimiento del wolframio y por el trabajo que se sigue desempeñando para la difusión de la ciencia; así como todo el amplio programa desarrollado a raíz del 750 aniversario de nuestra villa. Izan zirelako gara!

Seminarixoa, ubicado en el Real Seminario, es uno de los mejores ejemplos de esta tradición y mira al futuro. Encontramos tan solo un proyecto de habilitación de un edificio y mediante un proyecto arquitectónico y cultural de envergadura hemos creado un equipamiento cultural de altura, referencial, a la medida de Bergara con un equipamiento del siglo XXI. Con una inversión de 2.800.000 euros, sufragados en parte gracias a diversas gestiones por la Diputación Foral de Gipuzkoa (1.047.000 euros) y Gobierno Vasco (300.000 euros), en menos de un año hemos programado 74 actuaciones de distintas disciplinas -y la participación de 7 grupos culturales de Bergara) que han disfrutado 3.395 personas.

Formación, futuro tangible

Colaboramos estrechamente con todos los centros de educación y formación del municipio. Entre ellos cabe señalar que ya en la oposición defendimos firmemente la permanencia de UNED en el Real Seminario, y trabajando con ahínco lo hemos conseguido: además de afianzar UNED en dicho emplazamiento original, hemos rehabilitado patrimonio local y lo hemos puesto en valor, contando para con ello con una inversión de más de 3 millones de euros efectuada por diferentes instituciones vascas.

Bergara siempre ha sido un referente en la formación profesional. En ese contexto hemos colaborado con instituciones supramunicipales para que Miguel Altuna Lanbide Heziketa cuente con las mejores instalaciones y asimismo hemos realizado el proyecto para conectar la nueva sede con el centro de Bergara.

También trabajamos codo a codo con la Escuela Pública San Martin para la construcción de una carpa y hemos colaborado para impulsar nuevos modelos de inserción social que se están impartiendo en Mariaren Lagundia, clave también en la formación profesional de la comarca.

Las personas como prioridad

Sabemos para quien trabajamos porque nosotros/as también somos parte de la ciudadanía, creemos en la igualdad y en la equiparación de oportunidades. Queremos lo mejor para nuestros niños, mayores, iguales… Ya es realidad el nuevo centro de día, más amplio, más moderno, más eficaz. Hemos mejorado el servicio domiciliario para que nuestros mayores permanezcan más tiempo entre los suyos. Hemos multiplicado las ayudas para alquiler de vivienda para los jóvenes. Y se ha especializado la dinamización del Gazteleku. También está ya rodando el Consejo de la Igualdad para eliminar las diferencias entre géneros. Y hemos modernizado y adecuado recursos municipales para trabajar más y mejor por Bergara. Fruto de ese trabajo, hemos puesto en marcha Bergararren Arreta Zerbitzua que acerca el Ayuntamiento a la ciudadanía y le facilita cualquier trámite.

Barrios rurales

En la búsqueda de la máxima cohesión territorial entre nuestros barrios rurales y el núcleo urbano, recién llegados al gobierno abrimos un amplio proceso de participación en todo el área rural y visitamos uno a uno cada barrio. Gracias a ello, impulsamos nuevas actividades culturales a desarrollar en estos barrios; pusimos en marcha un servicio de auzo-taxi con una acogida excepcional; recientemente se han instalado dos puntos de wi-fi en Angiozar y Osintxu; y también hemos acometido inversiones de urbanización en Ubera (241.000 euros) y Beheko Kale en Angiozar (175.000 euros), además de la mejora de servicios y caminos en todos ellos.

Destacar, además, que la mejora de los accesos a Goimendi era fuertemente reclamada durante muchos años por el barrio y en esta legislatura, además de firmar un convenio con la Iglesia para la cesión del terreno, se ha ejecutado la obra de mejora.

Parking

Cumplimos con lo prometido. Vamos a hacer realidad una reclamación histórica con la construcción de un parking en el patio del Seminario. Con ello, facilitaremos la movilidad de los bergareses y dinamizaremos la vida comercial, cultural y educativa de nuestro pueblo.

Hemos comenzado las obras, y en esta primera fase cambiaremos el colector de emplazamiento con una inversión aproximada de 300.000 euros. La segunda fase será de 1.819.849 euros (IVA incluido) y se ejecutará durante el siguiente año.

Utzi iruzkina

Eaj-ren legealdiaran azterketa.

dsc01472.jpg

Udaletxera iritsi ginenean ez atzera ez aurrera aurkitzen zen Bergara, artean nabari zen krisi ekonomikoa, herria itzalita zegoen eta udal gobernua gure herria biziberritzeko baliabideak egoki erabiltzen asmatu ezinik.

Guri, ordea, kohesio handiagoko Bergara bistaratzen zitzaigun, baliabideak ondo kudeatuz gero, egunero aurrera eginez eta haziz joango zena. Egin genezakeela erabaki genuen eta gogotik hasi ginen lanean, esandakoa eginez eta gure egitarauan agindutakoak betez. Horretarako ezinbestekoa izan da adi entzutea bergararrek zer zioten herriko foroetan eta parte hartzeko zenbait gune lehenestea, gero egitasmo onenak burutzeko. Horrela lagundu dugu Bergara hobeto hornitua egon dadin gaur egun, garatuago eta kohesionatuago. Hitz batean esanda, Bergaran hobeto bizi gara orain.

Gainera, erakutsi dugu Bergara gai dela zailtasunak gainditzeko Udalak eta herritarrek elkar hartuz kudeatzen eta lan egiten dutenean herriko gauzen alde. Hala, era koordinatu eta eraginkorrean, asmatu dugu ustekabekoei erantzuten (Boluko luizia, uholdeak, suteak…).

Enpresa eta enplegua

Legealdia hasi zenetik topaguneak indartu ditugu enpresari eta dendariekin, elkarrekin eten gabe arituz eta ekimenak sustatuz jarduera ekonomiko handi nahiz txikien alde eta Bergarako merkataritzari laguntzeko. Adibidez, hor dago Bedelkar herriko dendarien elkartearekin egindako elkarlana, eta ENPRESARE antolakuntzaren sendotasuna (43 topaketa) eta BERELAN elkartearena. Bi horien emaitza ditugu enpresa berrien arteko lankidetza ugaria eta ezagutzari ateratako probetxua.

Enpresariekin batera ari gara enpresen egoera indartzeko eta Bergaran lanpostuak sortzeko. Pozik egin dugu, hala nahi izanda eta hala erabakita. Ekimen asko abiarazi ditugu: hirigintzako bitartekoak egokitu ditugu, hitzarmenak landu, administrazio-kudeaketak egin…. Emaitza Larramendiko 15 pabiloietan ageri da; Osintxun Soraluze Kooperatibaren lantegia handitzean; Ederlanek San Joanen inbertsioa egiteko apustuan; San Juanen Errekak irekitako lan-sail berrietan; eta batez ere Gureak-ek ireki duen polo estrategikoan garai batean Candy zen tokian, 9 urtetan hutsik egon diren 72.000 metro koadro industria-lur berreskuratuz.

Bizi kalitatea

Herri garbi, eroso, osasuntsu eta irisgarri bilakatu dugu Bergara, izadi-inguruan aisialdirako guneak zabalduz, ariketa eta osasunari nagusitasuna emanez, bidegorriak ugalduz, horretarako 1.455.871 euro inbertituz eta sare zabal bat medio, hala nola herrian ibiltzeko, jolasteko eta atsedenerako guneak moldatuz; kirol eskaintza handituz (Labe Garaietako polikiroldegiaren eraldaketa, Boluko pilotalekuaren berritzea, Agorrosingo harmailak, ur turrustak….) eta herriko beste eragileekin elkar harturik lan eginez. Horrez gain, BKE-rekin beste akordio batzuk hitzartzen ahaleginduko gara.

Kultura, betikoa berrituz

Gure ohiturak zaindu eta indartuko genituela hitzeman genuen; horren adibidea dugu Txistularien Bandaren eraldaketa, nabarmen sendotu duguna. Beste mugarria Bergarak jaso duen nazioarteko izendapena dugu: Zientziaren Hiri Historikoarena, wolframioa aurkitu izanaren lorpen bikainari esker eta zientzia hedatzeko egiten den lanagatik; aldi berean, hor dago gure herriaren 750.urtehurrena dela-eta gauzatutako egitarau zabala. Izan zirelako gara!

Errege Seminarioan kokatua, Seminarixoa dugu atzetik datorren tradizio honen lekuko argienetako bat, etorkizunera begiratzen duena. Eraikina egokitzeko egitasmo bakar batekin egin genuen topo eta arkitektura- eta kultura-egitasmo handi baten bidez, maila handiko baliabide kulturala sortu dugu, eredu bat, Bergararen neurrikoa, XXI. mendeko bitartekoz hornitua. 2.800.000 euroko inbertsioa izan dugu, Gipuzkoako Foru Aldundiarekin hitz egin eta ados jarririk (1.047.000 euro) eta Jaurlaritzarekin berdin (300.000 euro); hala, ia urtebetean bateko eta besteko 74 ekimen antolatu ditugu, Bergarako zazpi kultur taldek esku hartu dutelarik, eta 3.395 lagun bertaratu delarik.

Trebakuntza, benetako etorkizuna

Herriko hezkuntza eta trebakuntza zentro guztiekin elkarlan estuan ar igara. Azpimarratu beharrekoa da, joan den legealdian oposizioan ginela UNED Errege Seminarioan jarraitzea defendatu genuela, eta gogor lan eginez lortu dugula. UNED aipatu kokalekuan egonkortzea, bertako ondarea birgaitzea eta balorean jartzea lortu dugu, horretarako, euskal erakunde desberdinek egindako 3 milioitik gorako inbertsioa baliatuz.

Bergara beti izan da lanbide heziketaren erreferente. Testuinguru horretan, Udaletik haratagoko instituzioekin elkarlanean aritu gara, Miguel Altuna Lanbide Heziketa zentroak instalaziorik hoberenak izan ditzan eta era berean, egoitza berria Bergarako erdigunearekin lotzeko proiektua egin dugu.

San Martin Eskola Publikoarekin gertutik ari gara lanean, karpa bat eraikitzeko eta Mariaren Lagundian ematen diren gizarteratze eredu berriak sustatzeko laguntzen aritu gara, hauek ere oinarrizkoak bailarako lanbide heziketan

Pertsona helburu

Gu ere herritar izanik argi dugu norentzat ari garen lanean, berdintasunean eta aukera parekotasunean sinesten dugu. Gure haur, gazte, zaharrentzat hoberena nahi dugu… Eguneko zentroa errealitate bat da: zabalagoa, modernoagoa, eraginkorragoa. Etxez etxeko zerbitzua hobetu dugu, gure zaharrak bere sendiekin denbora luzeagoan egon ahal izan daitezen. Gazteei zuzendutako etxebizitza alokairurako laguntza gehiago jarri dugu eta Gaztelekuaren dinamizazioa espezializatu. Martxan da jada, genero arteko desberdintasuna gainditzeko Berdintasun Kontseilua. Udal baliabideak modernizatu eta egokitu ditugu, Bergararen alde modu eraginkorragoan aritzeko. Lanketa guzti honen emaitza, Bergararren Arreta Zerbitzua da, Udala herritarrei hurbiltzea du helburu, edonolako izapide edo erreklamazio egin ahal izatea erraztu eta bideratzen duena.

Landatar auzoak

Hiri erdigune eta landatar auzoen arteko kohesioa ahalik eta handiena izan zadin, Udalera iritsi orduko auzo bakoitza bisitatu eta partaidetza prozesu zabala jarri genuen martxan landa eremu osoan. Horri esker, landatar auzoetan kultur ekintzak sustatu genituen; onarpen zabala jaso duen auzo-taxi zerbitzua abian jarri genuen; berriki, Angiozar eta Osintxun bi wi-fi puntu ezarri ditugu: eta era berean, urbanizazio ekintzak burutu ditugu Uberan 241.000 euroko aurrekontuarekin eta Beheko Kalen Angiozarren 175.000 euroko aurrekontuarekin, zerbitzu hobekuntza eta bide egokitzapenarekin batera.

Azpimarratzekoa da, Goimendiko sarbidea hobetzeko urtetako aldarrikapenari irtenbidea eman diogula legealdi honetan, elizarekin hitzarmen bat sinatuz, hobetze lanak burutu ahal izateko lurzorua lagatzeko.

Aparkalekua

Emandako hitza bete dugu. Seminarioaren jolastokian eraikiko dugun aparkalekuarekin, herritarren aldarrikapen historikoa errealitate bihurtuko dugu. Horri esker, bergararren mugikortasuna hobetzeaz gain, merkataritza, kultura eta hezibidea suspertuko ditugu.

Lanak hasi ditugu jada, eta lehen fasean kolektorea lekuz aldatuko dugu 300.000 euro inguruko aurrekontuaz. Bigarren faseak 1.819.849 euroko aurrekontua izango du (BEZ barne) eta datorren urtean amaituko dugu.

Utzi iruzkina

Ekonomian ere “pertsonetan zentratutako ekimenak” sustatzen jarraitzeko konpromisoa hartu du Elena Letek

 

Elena Lete eta Maite Peña hautagai jeltzaleek Gureak Taldeak Bergaran duen automozio dibisioko lantegi berrira bisita egin dute. Balioan jarri dituzte enpleguaren bidez garapen soziala eta pertsonala bermatzen duten politikak.

BERGARA. Joan den udazkenetik dago martxan Gureak Talsdearen automozio dibisioko lantegi berria. Gaur langile eta arduradunekin egon dira Elena Lete eta Maite Peña hautagai jeltzaleak eta, Gureak Taldearen industri dibisioko zuzendari Andoni Errekondorekin batzartu eta gero, instalazioetara bisita egin dute, gertutik ezagutzeko lantegiaren etorkizuneko apustuak eta proiektu soziala. Gureak Taldeak Candy zenaren Bergarako instalazio guztiak eskuratu zituen, Udalaren kolaborazio estuarekin, eta 2018ko uda ostean automozio alorrerako planta jarri zuten martxan. Desgaitasuna duten ia 115 pertsonari lan aukera egonkorrak sortu eta kudeatzen ditu Gureak-ek Bergaran lantegi berrian.

Letek eta Peñak estrategikotzat jo dute enpleguaren bidez integrazio aukerak sortzen dituen proiektu hau eta balioan jarri dute erakunde publiko eta entitate pribatuen arteko elkarlana. EAJ-PNVren Bergarako alkategaiak nabarmendu duenez, “Gureak Taldearen ereduarekin frogatzen den bezala, ekonomian ere egin daitezke pertsonetan zentratutako politikak”. Leteren esanetan, “ezin dugu inor atzean utzi eta denontzako herri bat eraikitzen jarraitu behar dugu, gure ardura politikoa da, beraz, aukerak eman eta baldintza berriak sortzea herritar guztientzako”.

Gizarte integrazioa eta lan aukerak batzen dituen eredu honen alde ere egin du Maite Peña EAJ-PNVren hautagaiak ere, “desgaitasuna duten pertsonak berdintasun egoeran eta lehen mailako hiritar sentitzeko gakoetako bat lana delako eta garapen soziala eta pertsonala estuki daudelako lotuta enpleguarekin”. Peñak azaldu du estrategia horretan Gipuzkoan esperientzia asko dugula eta “gure lurraldea gizarte politiketan erreferente” dela, besteak beste, “elkarteak eta entitate publiko nahiz pribatuak artean gauzatzeko gai diren elkarlanarengatik”.

Proiektu industriala eta soziala

Halaber, arlo ekonomikoari ere eskaini diote arreta hautagai jeltzaleek, Gureak Taldearen aktibitateari esker bultzada berria jaso duen gune industrial batean aurkitzen baita gaur bisitatu duten lantegia. “Bergarako industriari babesa eta bultzada ematea eta kalitatezko enplegua bermatzeko baldintzak sortzea” izan dira, Elene Letek azaldu duenez, “agintaldi honen lehentasun nagusietako bi” eta, horretarako, “etengabea izan da herriko enpresa eta eragile ekonomikoekin izandako harremana”. Hain zuzen, “EAJ-PNVren apustu irmoenetakoa da hori”. “Bergaran buru-belarri aritu gara eta arituko gara; bereziki, aktibitate industrialari bultzada ematea eta gure herria ekintzaileentzako inguru onuragarria bilakatzea

direlako gure helburuak”. Hala, “Bergarako EAJ-PNVtik, erakundeekin lankidetzan, sinergiak sustatzen jarraitzeko eta enpresa eta ekintzaileei bermeak eta erraztasunak emateko konpromisoari eutsiko diogu, gaitasun hori aise frogatu baitugu gobernuan egon garenean ere”.

Horrekin batera, Letek, Gureak bezalako enpresekin lortutako aliantzek herriarentzat duen onura azpimarratu du: “gure ongizatearen bi zutabe nagusiei eragiten baitie, bete betean: ekonomia sendo baten aldeko apustua, gizarte kohesioaren eta guztiontzako aukeren berme gisa”. Hala, Candy zenaren instalazioak berriz martxan jarri eta enplegua eta gizarteratzea uztartzen dituen proiektu sozial bati bidea ematea, “legealdiko lorpen esanguratsuenen artean” kokatu du alkategai jeltzaleak. “Prozesu luze eta sakona landu eta gero, ez zaio soilik hutsik aurkitzen zen espazio industrial bati erabilera ekonomikoa eman, hain zuzen, nazioartean erreferentzia den proiektu sozial batek urrats berria eman du Bergaran eta Gureak-ek bere presentzia indartu ahal izan du gure eskualdean”, esan duenez.

Ekoizpen eta enplegu gehiago

2018ko udazkenean ekin zion produkzioari Gureak-eko lantegi berriak, kablea prozesatzeko aktibitateari eta produktu berrien prototipoera helduta. 91 langilerekin hasi ziren lanean eta egindako inbertsio teknologikoa handia izan da. Prototipoen alorrean aldiz, Candy zenaren planta berrian 24 langilek dihardute, CPE Akademi deituriko formazio dualeko ekimen berritzailean. Lantegi honek astero lau kamioi betetzen ditu kablez eta aurten 275 milioi kable fabrikatu nahi dituzte, eta datozen urteetan ekoizpenaren hazkundearekin jarraitu, 345 milioi kabletara iritsi arte.

Bergara, hiri integratzailea

Gureak Taldearen eta Bergarako Udalaren harremana ez da horretan geratu, joandako azaroan hitzarmena sinatu baitzuten 5. Area delakoa kudeatzeko (batetik, lehengo MAYC eta gaur egun Gureak kokatuta dagoena; eta, bestetik, Maderas Irizarren eremua) Hitzarmen honekin Gureak Taldeak beste erabilera batzuk ere martxan jarri ahal izango ditu eta “Bergarako herriak berriro lortu du erabilera industriala bultzatzea hutsik eta hondatzen zegoen eraikuntza industrial batzuetan”, esan du Letek. Gainera lankidetza horren bitartez, Gureak Taldeak Udalari 1.000 metro koadroko pabiloia emango dio eta egokituko egingo du aparkaleku publikoa.

Bukatzeko, eta apustu hauek kontuan hartuta, Elena Letek esan du “Bergarak hiri integratzailea dela harro esan dezake”. Adibide moduan jarri ditu Goyeneche Fundazioak adimen urritasuna dute pertsonentzako Mintegi kalean aurki irekiko duen Garagunea ala Atzegiren Pauso Berriak izeneko lan-integraziorako programarekin Udalak duen kolaborazio estuaren ondorioz Udalean bertan langile berri bat hasi da lanean apirilean. “Gipuzkoan eta Bergaran arrakasta handiarekin eta naturaltasunez uztartzen dira elkarte, erakunde eta entitateak, gizarte ongizatea bilatzeko”, hala, “eredu horretan sakontzea eta apustu gehiago ematea da gure konpromisoa”, esan du alkategai jeltzaleak.

2019ko maiatzak 2.

Utzi iruzkina

%d bloggers like this: